أحببتك أكثر مما ينبغي
توني مخلصه من روايه احببتك اكثر مما ينبغي تحمست لها من الجسد قريتها هناك وماكملتها صراحه ويوم قالو لي نزلت كتاب وصيت وجاني
الكتاب بشكل عام حلو او خليني اقول ماعليه نوعاً ما اعجبني غلافه وورقه هههههه انا احب توعيه الورق لاجيت اقرا مدري ليه تجذبني هي والغلاف بالذات لاكان ذاك الورق المايل للبيج كنه ورق كروت ههههه غريبه انا
الكاتبه عندها ماشاء الله افكار وكثير حبكتها حلوه ماشاء الله ماعابها الا الجرئه شوي باشياء قليله حسيتها جريئه شوي او انه مبالغه بامور تطلع من بنت ومبتعثه مدري حسيتها مبالغه شوي ...
قالت هي بالروايه انه اول روايه دائمع تحمل من كاتبها كثير وانه تمثله باشياء لو كانت بسيطه وهالشي اعجبني بصراحه
بعد اللي شوي يضايق بالروايه انها كثير تذكر معلومات ثقافيه كانه اختبار لمعلوماتها وهالشي حسيت انه خرب جوها يعني لو كم شيء وكم قول مأثور من عالم او كاتب او روائي مايخالف لكن كثير تستشهد باقوال بعض الكتاب او غيرهم
بعد حسيتها نسخه لكن عكسيه لسقف الكفايه بحيث انه سقف الكفايه مثل بطلها رجل وهي العكس جومانه وعزيز بعد حومو كبدي ببعض خرابيطهم هههههه ماجازت لي ...
شخصيات الروايه اللي حبيتها هيفاء الكويتيه وزياد حبيتهم ههههه وبالذات لما قالت هيفاء هذاهو الصهوني هههههههه ياني ضحكت الين قلت بس على هالتشبيه ...
الروايه كبدايه للكاتبه تعتبر نوعاً ما حلوه وتنقرا اعجبني بعد سلاستها وانه لما امسك الكتاب امشي فيه ودي اخلصه انا خلصته بيومين صراحه جلست عليها كل يوم من الساعه كذا وحده الى 3 او اربعه الفجر وانام همن اكمل من بكره وكذا
وهذا يمثل رأيي بالنسبه للروايه واعطيها 7 / 10 اعطيتها هالنسبه لاني ما احب الصفه التشائميه ابداً ولا احب حصر العنصر السيء في احد بالذات سواء كان رجل او مرأه لانهم كلهم فيهم من الشين والموب شين بالتساوي سقف الكفايه تفوقت عليها باللغه فقط والا القصه حسيتها كاني اقرا جزء ثاني للسقف
وبس..
0 Response to "أحببتك أكثر مما ينبغي"
إرسال تعليق