رمضان
قمر الدين اللي ذكرني فيه عضو معنا بالاقلاع ... لاننا من مناصرين قمر الدين لازم على الفطور يصير على السفره ...
يذكرني طعمه بمنوّل رمضان زماان .. ويازينه احس هه هو اللي حافظنا عليه من زمان قبل ... ماغيرناهالى هالحين هو والشوربه هههه
وعلى طاري زمان ورمضان فيني طبع مدري هو في غيري او لا اني اتذكر المواقف ... من الوقت والطعم وحتى الريحه اتذكرها مثلاً .. لا شربت قمر الدين كني شريط فيديو ترجع الذكريات لورا اتذكر تفاصيل ووقت واحداث رمضان قبل من عشر سنين وكذا مدري عاد احد مثلي والا <<< العقل زينه وفاقدته حزينه :D
وعسى ربي يكتبنا من المقبولين يارب ويكتب نا نشهد ليله القدر يارحمن يارحيم ..
وعلى طاري ليله القدر تذكرت عادتنا اننا ليله 27 وهي ماهي اكيد بس انها يتحرونها لازم ندخن البيت مع انه كل يوم بس ليله 27 غير كان عندنا عزيمه ريحه البيت دخون ... وش زينها ومرتب ... يا اني احب رمضان ليت السنه كلها رمضان ..
