جا ببالي اكتب لانه مافيني نوم وفيني نوم يعني ماتنحل ...
المهم وش الهدف من التدوين ... كثير الحين والاغلب عندهم مدونات ومواقع شخصيه ليش ؟
بحكي عن نفسي .... كتبت التدوينه او حرصت عليها وخليتها مثل دفتر المذكرات اي شي يجي ببالي سواءً سلبي ايجابي حاجه مضايقتنا او شي اعجبني اجي واعبر عنه ....
والسبب انه انا بطبعي اجتماعيه ولاحكيت وارتحت للاشخاص احكي واحكي وهذا اتعبره شي سلبي فيني اللي الثقه بسرعه وما اقول ثقه ثقه لا يعني ممكن كلش احكيه ... كماخه على قوله البعض :p
ممكن اجلس ايام ما احكي مع احد فيكون المتنفس الوحيد لي هنا ... انه اجي واحكي اللي ابي ما احد ينقد علي متى مابغيت انهي الحكي انهيته بدون شد ولغط وتريقه يعني ان نقدت نقدت على روحي هههههههه
خلوني احكي عن شي وسع صدري وانا جالسه اتصفح ايميلي كانت الرسايل مليانه وبعضها ما اكذب ما افتحها امر عليها وبس على حسب العنوان ان عجبني او لا ...
وكان من ضمن الايميلات مكتوب الامير سلطان بمشهد مؤثر قلت مني ناقصه وبالذت عقب مشاهد جده ... همن قلت يالله افتحيه ...
فتحته بغض النظر عن المساعده وهالاشياء لانه كلها بحسناته ان شاء الله ...
اللي أثر فيني كثير الطفل الصغير ياربيه بسمته مافارقت وجهه وياحلوها ماشاء الله .... رغم انه مريض ومايمشي ...
اللي أثر بعد فيني لما يسأله يقول وش تبي قال ابي سبحتك شوفي كيف الطفوله اشياء جداً جداً بسيطه ماعندهم طمع الكبار وجشعهم ...
الله يشفي الاثنين ياربي ... ويتمم عليهم لباس الصحه والعافيه ...
مشهد ثاني
من فلم رمضان .. مبروك ابو العلمين
تعرفون مع انه كوميدي ويضحك بس وربي فيها معاني ساميه كثير انا حسيتها فيه
لما يقول الرجل الكبير وش نبي بالعلام باقي يومين ويموت قال عشان لما الملائكه تسألك تعرف تجاوب وربي بغيت اصيح معه ... فيها معنى فيها هدف انه العلم مهما كبرنا الى ان نكبر وحنا ماتعلمنا شي بالاصل ...
عندك المدرس وهيبته ... موب بهالشده بس عاد يكون شديد وصديق للطلاب عجبتني شخصيته انه يروح لهم البيت لاخطأو هههههههه بس عاد موب يكفخهم .....
عندكم لما سامح الطلاب وهم سكرو الغرفه عليه ولاراح لدوره المياه ورجع سامحهم ودرسهم ...
في الاخير رضا الوالدين وما ادراكم مارضاهم لما ترك حاجه يحبها اللي هي زوجته عشان امه .... بغض النظر عن قصه الفلم التفاصيل الصغيره اللي انا شفتها في جوا الفلم حبيتها حلو لما نشوف شي وناخذ منه الاشياء اللي ممكن تضيف لنا وتغيرنا للافضل ... ماهو عيب انه شخصياتنا تتغير لكن للافضل وما اقول الاساس لا شخصيتك قناعاتك باشياء كانت غلط ... او كنا مقتنعين بشي واثيت لنا العكس ...
معليش حوسه كتابتي بس كان ودي احكي ..
0 Response to " "
إرسال تعليق