قشامه

revolutionary road

شفت اليوم فلم ريفالويشن رود اللي حمسني اشوفه الابطال انفسهم ليناردو وكيت قلت ان شاء الله يكون بنفس مستوى وقوه تياتانك ومعاهم بطله بعد احبها ويعجبني تمثيلها صراحه اللي هي مسؤوله العقار اللي باعتهم بيتهم
الفلم مقتبس من روايه للكاتب ريتشارد ياتس ومن ماقريت عن الكاتب انه روايته مره ناجحه فحولوها لفلم ...
هي قصه في الخمسينات ... وتعجبني الافلام في ذاك الزمن بالاضافه لزمن الرومان احبها لتحفظها شوي ... وتعجبني حياتهم قبل ..
الفلم قصه ابريل ... وزوجها فرانك بدايه الفلم كيف تعرفو على بعض بعدين ابريل تمثل بمسرحيه كهاويه بس ... وزوجها يشتغل في شركه بس مافهمت وش طبيعه
هالشركه .. بس الظاهر اشياء الكترونيه لانه الفلم ما ترجم فكلمه افهمها وكلمه لا وكل شوي موقفه الفلم واحط
اللي ما افهمبقوقل واترجم عشان افهم << مشوار صح هههه وعندها طفلين اثنين ... ويعيشون بمكان يقاله ريفاليوشن رود يعني الطريق الثوري ...
اول الفلم هي بعد المسرحيه اللي أدتها صاحت وضاق صدرها لانه فاشل على قولتها وزوجها بيهون عليها وهي عنيده راكبه راسه ... راحو بالطريق وتهاوشو
يختلفون باشياء ويتفقون باشياء يعني حياتهم فيها شوي رتابه وملل ...
المشهد اللي حز بخاطري انه لما جلس مع زميله له بالعمل عشانها ساعدته في شغله وغلط معاها وكان يقولها انهاليوم يوم ميلاده وكذا وانه يوم ميلادي طيب ... ما يبي يصير زي ابوه وكذا
رجع هو للبيت ولقا زوجته واولاده فرحانين انه يوم ميلاده ... ومجهزين له حفله صغيره
ودي اني معطيته كف وقتها ههههه
هي كانت فرحانه ... فيه وفرحانه بانه لقت الحل في هالرتابه وهالعيشه بانهم يروحون لباريس ...
وهي تشتغل ... ويعيشون هناك ...هو وده ولا وده يعني متردد ويوم وافق حسيت انه مو من قلبه ... بس علشانها ...
وعلى قولتهم تجري الرياح بما لا تشتهي السفن ... زوجها تجيه ترقيه بشغله ... وهي تحمل ...
حسيتها مره اكتئبت مسكينه ...
وبالذات لما زوجها ...عرف انها تبي تطيح البيبي ... وما تبيه وتهاوشو
اللي اثار كم تساوؤل عندي انها لما قالت له ما احبك قالها انا غلطت استغربت موقفها لما قالت سو وت ... تبيني اغار ... او ايش ... قال وش تفكرين فيه قلت ولا شي ... بكيفك سو اللي تبي ... حسيت انه الهدوء قبل العاصفه ...
اسطناع اللامبالاه ... وهي تبالي ... حياتها وصلت طريق مسدود .. حاولت مانفع ... كملها الاخ وجا يصارحها ... طيب وش تسوي ...
انا لومكانها والله لا يقوله ... بوقف زيها يمكن ويمكن لا مدري ... بس موقفها حرام مسكينه ..
كله كوم ... وجون كو م هههههههه حسيته العاقل فيهم بصراحه لما يحكي ... ويكون حكيه قاسي بس صحيح
اللي جد عورتني كلمته لما قال يعني على حسب مافهمت اشوى اني منيب هالولد اللي بينولد ...
يتهاوشون ... وياكثر ذا الهوش ...تنحاش الاخت للغابه ويلحقها ويتلاقطون هناك قالت خلاص بجلس لحالي احتاج افكر
يروح ويخليها ... ونرفزني مره تدخينها بعد ...كثير مشاهد تدخينها بالفلم

يقوم الصبح زوجها ولا عاااادي ... تزين له فطور يسولفون سوا ... عن شغله ... تعرفون ترى الجوبعض المرات يكون مشحون بعد الهواش ... بس يكون شوي فيه تفاهم هههههه موب زيهم لا بس هه
انا من شفتها هاديه قلت ابد بتزين شي وجا ببالي انها بتسافر لحالها وبالذات لما كلمت تسأل عن عيالها
راح زوجها طيحت البيبي ... وكلمت الاسعاف ... صارت بغيبوبه ... وبعدها توفت الله يرحمها وزوجها متأثر ...
وزعلان ...
عجبني الشويب اخر الفلم لما زوجته قامت تسب بكيت الله يرحمها وزوجها ... وشلون قصر سماعاته مثل اللي يقول تراي سمعت هالحكي من زمان ...
الفلم حلو ... درامي سردي ... يبي ذهن صافي ... عشان تفهمين نقاط فيه ...
انه الحياه ممكن تمر بامور رتابه وكذا ...
انه الاحلام ... ما نلغيها ونغوص بشي محدد بس ... لازم يكون لنا طموح ...
لازم يكون فيه تنازلات .. ومسك العصا من النص ... عشان مشي الحياه ...
الفلم موب شين بس طويل شوي وهه فيه ملل كم مره طاح راسي من النوم ههههههه
مافيه حياه ...
اعطي الفلم بصراحه ... 6/10
وبس ...