قشامه

عاداتنا وطبائعنا

2010-06-15T23:03:00.000+03:00

الانسان والاشخاص يختلفون باخلاف نشئتهم طباعهم وهكذا , فيه طباع شخصيه تكون فيك انت من مبادئك ونشئتك وعلمك المكتسب وهذي تكون جزء من شخصيتك .. وتكون انا اعرفها لكن تكون اوضح للاشخاص اللي اتعاطا معاهم اوضح اكثر لانهم مايجاملون ويقولون لك شخصيتك بشكل صدقي ...

نترك هالمقدمه العصماء ونجي للي بحكيه بعض العادات الغريبه في اي شخص فينا البعض يتقبلها والبعض يقول يووه وشذا...

مثلا وبتكلم عن نفسي :-

احب لما أكل شي مثل الشابوره او الخبزه مع الجبنه " أغطها " ههههههههههه بشي يا شاهي او قهوه بس ... وحده من زميلاتي شافتني قالت قشااامه وشذا قهوه قلت ا يه :D وانا اهون من وحده معاي بالدوام بكل شي تغمس بمويه بعصير بكلش هههههه

بعد احب اجمع النوتات احبهم بكل الوانهم واشكالهم وبالذات اللي تجي ملونه وتتلصق بجدار او ثلاجه وهكذا احب اشتريهم

النوم انام بكل مكان ياعزتي لي مالي طقوس في الصجه انام في الصاله انام عند تلفزيون انام ماعندي مشكله ههههههههههه انرحم

اقرا في الظلما ولو انه على نور جوال ماتعوق معي عشان كذا النظر صاير شجر خخخخ

اشياء كثير قد تكون من عادات اي شخص هو يتقبلها والاخرين يشوفونها مثل وشذا

وبس ...

2010-05-24T22:45:00.001+03:00

وانا جالسه احوس باشيائي وكذا << ياكثر ماتحوسين :D

والقى المصحف بدرجي وعليه غبار وربي ضاق صدري كيف انه مركون بالدرج ومغبر شوي ... حسيت بتأنيب الضمير صراحه انه

ما اقراه الا يوم الجمعه وبعض المرات انسى يعني ماني ذيك الانسانه الدينه مره والله يهدينا يارب ... يعني الكتب نتحمس نقراها

ونخلصها ... ونتعمق فيها وكتاب ربي نقراه كن احنا ملحوقين ...

ببدا ان شاء الله اقرا كل يوم جزء ان ما الهتنا هالمشاغل

الله يهدينا من جد ...

شي ثاني علي حوق بالحكي مدري شيبي هههههههه

هذي وحده من زميلاتي اتصلت عليها وحده تبي تخطب المهم انه سألتها البنت تفيخه هههههههه هالسؤال نقول يالله مايخالف من حقهم

يبون لولدهم نحيفه همن تسألها وش مقاس تنورتها هههههههههههههههه عشان تعرف انها تفيخه والا لا ولازم يكون 40 شكلي بشبر

تنورتي اشوف وش مقاسي ههههههه

بعض الناس عليهم اسـأله في الخطبه من جد عجب ... وشر البليه مايضحك ... اجل وش مقاس التنوره

وبس ..

2010-05-23T21:47:00.000+03:00

مسا الخير ...

افضل ماصنع الغرب عن الاسلام

هالمقطع شفته بصراحه اول ماتحول وطلعت الحروف العربيه خنقتني العبره ... المقطع ممتاز بصراحه وشويه عليه ممتاز يعني احس هذي الطريقه الصحيحه بانه نعرف البعضبالاسلام بطريقه حلوه مبسطه تدخل القلب على طول يعني للاسف بعضنا ماعنده اي ملكه لايصال المعلومه او اي شيء نبيه بطريقه حلوه واللي مسوي هالمقطع من جد احييه مهما كانت ديانته ومهما كانت توجهاته عمل شي للاسلام وعرف البعض بانه الاسلام فيه اشياء حلوه غير الارهاب والتشدد وغيره نبدا من الشي البسيط السهل وبعدين نتعمق موب نقول الاسلام يقول تغطو غير المسلم يدخل النار هالاشياء عارفينها لكن موب على طول احس مثلهم مثل الطفل الشي البسيط يحببه بالاشياء الصعبه اللي نستصعب توصيلها

اتمنى انه مثل هالاشياء تكون قدوه لطريقتنا في توضيح وجهات نظرنا وافكارنا وربي انه احنا عندنا طاقات وعندنا افكار بس ما نستغلها بشكل ...

وبس ..

ليلة واحدة في دبي

2010-03-30T19:34:00.000+03:00

قرائتي لرواية ليلة واحده في دبي لـ هاني نقشبندي ...

الرواية بشكل عام .. ممتعه سلسه تخليني أبي أخلصها بسرعة ...

تحكي بشكل عام عن عدم استسلام الشخص لأفكارة وبالذات السوداوية منها او بشكل اوضح السلبيه .. وجمعها كلها بشخصية ياسمين شخصيه وحيده ركزت على عملها عشان تنسى مشكله مرت فيها ... بحيث انه نست نفسها وهمشتها ...

في الرواية احسه طبق المثل اللي يقول يحط ربي قوته في اضعف خلقه وهالشي تجسد في شخصية أفتاب حارس العماره الهندي اللي كان الناصح والموجه لها بعد ربي طبعاً من بعد ماكانت تراه وما كانه موجود ...

بعد جسد افكارنا وهواجسنا السيئه منها بالعمارة الخضراء اللي انبنت في يوم وليلة قدام عمارتها اللي ساكنه فيها وانه داخل كل شخص فينا نور داخلي وجسد هالنور بالروايه بعمود النور الوحيد عند العماره الخضراء , برأيي انا انه كل ماتقربنا من ربي كل مازاد هالنور الداخلي فينا وكل مابعدنا كل ماقل اعرف انه هالشي معروف بس انه بالروايه شوي بعد عن هالشي وهالشي هو اللي ضايقني في الروايه بس ..

بعد اللي ماحبيته بالروايه بعض الافكار اللي حسيت فيها تعالي على ربي شوي في بعض الاجزاء ...

هذي اقتباسات من الروايه ...

* إن الوحدة الحقيقة هي أن تعيش بين من لا يسمع ألمك ولا تستشيرة خفقات قلبك الخائف من قادم غامض .

* أن الاسماء ليست هويتنا , بل هي ألوان تميّز بعضنا من بعض وتقربنا , والهوية أعمق من ذلك إنها هي الغاية من حياتنا , وعلاقاتنا , ووجودنا .

*" لست أرى عمارة عالية بل أفكاراً بشرية تتطور في هيئة عمارة . تلك التي ترينها ليست سوى افكارنا نحن ... أحياناً هي أكبر مما تتحملة عقولنا "

واقتباسات كثير ...

اعطيها 6/ 10 ...

2010-03-07T17:35:00.002+03:00

في اي جلسه او زياره سبحان الله ما احب سواليف مجالس الحريم بشكل عام :/

من جد صايريجيني من سواليفهم الهم مدري ليه احس اني اغلي من جوا من جد بس مابي ارد او اتناقش لانه بيكون عقيم

اغلب سوالفهم ايش , ازواجهم وعيوبهم , فلانه ماتستحي ولبسها كذا وشلون اهلها رضو , البنات بالجامعه واخلاقياتهم او بالمدارس

وطبعاً تكون رسائل مبطنه لبناتهم السوق والله لايسخط علينا ومن هالحكي ,,, ياوك ياسواليفهم بس فصرت وش اسوي لاصارو الرجال محارم لي تركت جلسه الحريم لهم ورحت جلست عندهم ههههههه يالله من فضلك ياني انبسط احس اني اسولف مع ناس عقلياتها فاهمه عاقله ماتطلع الكلمه الابوزن ما امدح نفسي ولا ازكيها لكن من جد سئمت هالجلسات فصار شعاري اقضبي بيتك واعتزلي هالاجتماعات بقد مقدر

قضينا من هالشي ...

اليوم مدري وش جوي من صباح الله خير سمعت اغنيه لوحده اسمها عايده الايوبي بالرادو الصبح وجلست ابحث في اغانيها واسمعها عجبتني حسيتها من نفس ماجده الرومي بس على اروق فصرت اسمع لها واحوس باشيائي فصارت عندي فكره السفر مولحه مره فهي تجي وتروح هالفكره تجي همن تروح يصير مع الروتين او الضغط تشتهي السفر وتغيير الجو ومو السفر لمجرد السفر لا لاستنشاق << يالله طلعت هالكلمه :P الهواء هواء نظيف ابعد عن الناس تنقطع عنهم شي يصفى ذهنك تجدد حيويتك افكارك ارائك ترتبها شوي ولو تحتاج لاعاده صياغه نعيدها مايضر شوي

تدوينه ابي اكتب فيها اشياء كثير وهذا اللي طلع معي

الاحد 7/3/ 2010

5:30 آخر العصر

2010-02-13T12:20:00.000+03:00

في ايميل جاني عن كاتب بريطاني كتب عن الخليج يعني ماخص احد انما عن الخليج عموما وذكر عده مشاهدات عن اللي شافها وبصراحها انا معه باشياء كثير وجد يحز بالخاطر انه هذي نظره بعض الاجانب عننا وركز هو على السلبيات اللي خلت البعض " يقبس " وينهبل وكنه سابه هو ...

جاني بعدها رد شخص مبتعث ببريطانيا عليه وواضح انه كاتبه وهو معصب وخذته العزه بالاثم وقام الرجال يكيل الاتهامات في شخصهم وبعض من عاداتهم

يعني صدق ذكر اشياء ومنها انه قال متى يلحقون بركب العالم الاول بس موب اني اكيل لعاداتهم وكذا هو استغرب عاداتنا لانهم بلد متفتح مايحكهم بعض لادين ولاغيرهم لانهم بلى دين وهذا الاغلب انه مسيح او اي ديانه بالاسم بس مثلنا يافيه مسلمين بالاسم بس ولاجا احد وحكا قامت فينا الحميه طيب وين تطبيقها على نفسك

من الاشياء اللي ما اتفقت معاها في رده على الكاتب يوم ذكر انه يستضيفون اي احد عندهم انا اشوف انه هالشي صفه زينه فيهم انهم مايفرقون بين احد ويحسنون استضافته حتى لو كسبو من وراها شي مافيها شي ...

اشياء كثيره ماعجبتني في رده وماحسيته عقلاني ابداً.. هذي وجهه نظري بالموضوع .. لانه محنا ناقصين حقد على بعض وكره لبعض وتشيش بعض فيه اللي يكفي من المهبل اللي يسمعون بسب الدول الثانيه

ولاننكر انه يوجد منهم ناس محترمه جداً جداً وعندهم الاسلام بس مافيه مسلمين وبالذات في المعامله الحسنه وحسن المعشر ...

وبحط رده والحكم لكم ..

رداً على مقال المهندس المعماري البريطاني فيليب جي بعنوان "هذا هو الخليج" الذي صور فيه الخليج وأهله بأبشع الصور الهمجية وجعلهم في قاع التخلف الإنساني بناء على خبرته السابقة في الخليج لمدة 33 عام، وإن كنت أتفق معه في بعض النقاط إلا أنني لا أجد تبريرا لعدم ذكر ولو ميزة أو حسنة واحدة في الخليج إلا أن هذا الكاتب تجرد من المصداقية وانحاز لهواه حتى فاحت رائحة العفن والحقد ونكران الجميل من أحرف مقالته، فهل جزاء الإحسان إلا الإحسان؟ الخليج الذي فتح لك باب الرزق والكرامة طوال 33 عاماً لم تجد حسنة واحدة لتنقلها عنه لعالمك الغربي!

في هذه العجالة أود أن أقيس بمقياسه وأزن بميزانه لكن بمزيد من الشفافية والواقعية من خلال تجربتي في بريطانيا لأكثر من عامين توغلت خلالها داخل عدة أسرة بريطانية وتنقلت إلى عدة مدن مختلفة فهي حقاً مناسبة لأن أتحدث عن واقع ودراية.

v الشعب هناك لا يمتلك الوقت والمال لإنجاب الأبناء وتربيتهم لكن يستطيع تربية ثلاثة كلاب وقطتين بمهارة فائقة.

v يحارب المجتمع البريطاني وحكومته مسألة الزواج المبكر بشتى الطرق لكن لا يمانع أبدا العلاقات الجنسية دون حد ولا قيد فهي حرية محضة.

v يعارضون التعدد ويشمئزون منه ويرونه مصدر الظلم على المرأة المسلمة بينما ترى الزوج يمتلك زوجة واحدة وعشرة صديقات يقمن مقام الزوجة متى ما دعت الحاجة، والعكس صحيح بالنسبة للزوجة.

v لا تستغرب أبداً عندما ترى دخل الأسرة الواحدة ملامح الأبناء مختلفة تماماً فهذا الابن أسمر البشرة متجعد الشعر وأخاه ناصع البياض أصفر الشعر بينما أختهما الصغيرة التي تعشق الديدان قصيرة القامة صينية الملامح.

v يعتبر الأبناء البارون عملة نادرة فهم الذين يتواصلون مع أمهاتهم وآبائهم في الأعياد إذا استطاعوا إلى ذلك سبيلا.

v عندما يكبر الأبناء لا يجد الآباء راعياً لهم سوى الكلاب والقطط فلذلك هم يفضلون شراء تلك الحيوانات على إنجاب الأبناء.

v مصيبة أن ينسى الشخص تأريخ ميلاده لكن طبيعي جدا أن ينسى تأريخ وفاة أمه أو أباه.

v عطلة نهاية الأسبوع هي حالة هستيرية للشعب البريطاني تتحول في الشوارع والبارات إلى حظيرة لا حدود لها لترى بأم عينك كيف تسرح قطعان البشر دون عقل ولا تفكير، لترى جميع الزوايا والحوائط مشغولة بتفريغ ما يشربونه، ليتدنى مستوى النظافة لما تحت الصفر بمراحل.

v الحمامات البريطانية لا يوجد بها ماء للاستنجاء فهم يعتبرون الماء مصدر قذارة في تلك الحالات فيستبدلونها بالمناديل ليبقى شيء للذكرى عند غسل الملابس.

v كل دورة مياه تجد بداخلها جهاز لبيع الواقيات الجنسية بدلا من المناديل المعطرة!

v إذا أردت أن تتحدى رجلا هناك وتكسب التحدي بقوة اسأله أن يثني ذراعيه إلى جسده، فكثافة شعر الإبط وما معه من شوائب ستحول بينه وبين ذلك.

v ينتقد علينا هؤلاء القوم تمسكنا ببعض العادات والتقاليد لكن نجد أن صنابير المياه لديهم عبارة عن صنبورين منفصلين الأول للماء شديد البرودة والآخر للماء شديد الحرارة فليس ذلك لشيء إلا أن هذا النظام العقيم هو موروث لديهم منذ القدم.

v تُحترم العاملة في البارات والملاهي الليلة أكثر بكثير من ربات المنازل.

v يتلذذون بأكل الخنازير مع علمهم بقذارة طباعها وأجسادها ثم يتعجبون ويشمئزون من أكل لحم الإبل.

v لا غرابة في أن يخرج الأب مع ابنه إلى المطعم فيدفع كل منهما فاتورة أكله الخاص.

v البريطاني يتقن وبجدارة فن الحديث واللباقة مع الآخرين كلامياً لكن عندما يكون الموضوع متعلق بالمال يتضح الوجه الآخر وترى أبشع صور الدناءة والبخل ولو مع أقرب قريب.

v لا تمانع عائلة بريطانية من أن يعيش بينهم شخص يكرهونه أو لا يعرفون عنه أي شيء طالما أنه سيدفع مبلغا من المال.

v يُمنع التدخين في الأماكن العامة والمطاعم لكن الخمور تُشرب قبل الأكل وبعده.

v الخمور أرخص أحيانا من المشروبات الغازية.

v المياه الصحية أغلى من حليب البقر المبستر.

v قيمة تأمين السيارة السنوي يفوق أحيانا كثيرة سعر السيارة نفسها.

v قد يكلفك سعر وقود السيارة خلال ثلاثة أشهر أكثر من قيمة السيارة بكثير.

v بالرغم من أن بريطانيا تعتبر رائدة العالم الأول إلا أن كثير من دكاترة الجامعات والأطباء هم حقيقاً من دول العالم الثالث.

أحببتك أكثر مما ينبغي

2010-01-23T20:58:00.001+03:00

توني مخلصه من روايه احببتك اكثر مما ينبغي تحمست لها من الجسد قريتها هناك وماكملتها صراحه ويوم قالو لي نزلت كتاب وصيت وجاني

الكتاب بشكل عام حلو او خليني اقول ماعليه نوعاً ما اعجبني غلافه وورقه هههههه انا احب توعيه الورق لاجيت اقرا مدري ليه تجذبني هي والغلاف بالذات لاكان ذاك الورق المايل للبيج كنه ورق كروت ههههه غريبه انا

الكاتبه عندها ماشاء الله افكار وكثير حبكتها حلوه ماشاء الله ماعابها الا الجرئه شوي باشياء قليله حسيتها جريئه شوي او انه مبالغه بامور تطلع من بنت ومبتعثه مدري حسيتها مبالغه شوي ...

قالت هي بالروايه انه اول روايه دائمع تحمل من كاتبها كثير وانه تمثله باشياء لو كانت بسيطه وهالشي اعجبني بصراحه

بعد اللي شوي يضايق بالروايه انها كثير تذكر معلومات ثقافيه كانه اختبار لمعلوماتها وهالشي حسيت انه خرب جوها يعني لو كم شيء وكم قول مأثور من عالم او كاتب او روائي مايخالف لكن كثير تستشهد باقوال بعض الكتاب او غيرهم

بعد حسيتها نسخه لكن عكسيه لسقف الكفايه بحيث انه سقف الكفايه مثل بطلها رجل وهي العكس جومانه وعزيز بعد حومو كبدي ببعض خرابيطهم هههههه ماجازت لي ...

شخصيات الروايه اللي حبيتها هيفاء الكويتيه وزياد حبيتهم ههههه وبالذات لما قالت هيفاء هذاهو الصهوني هههههههه ياني ضحكت الين قلت بس على هالتشبيه ...

الروايه كبدايه للكاتبه تعتبر نوعاً ما حلوه وتنقرا اعجبني بعد سلاستها وانه لما امسك الكتاب امشي فيه ودي اخلصه انا خلصته بيومين صراحه جلست عليها كل يوم من الساعه كذا وحده الى 3 او اربعه الفجر وانام همن اكمل من بكره وكذا

وهذا يمثل رأيي بالنسبه للروايه واعطيها 7 / 10 اعطيتها هالنسبه لاني ما احب الصفه التشائميه ابداً ولا احب حصر العنصر السيء في احد بالذات سواء كان رجل او مرأه لانهم كلهم فيهم من الشين والموب شين بالتساوي سقف الكفايه تفوقت عليها باللغه فقط والا القصه حسيتها كاني اقرا جزء ثاني للسقف

وبس..

2010-01-20T11:45:00.000+03:00

حلو الاختلاف في الاراء واخذ وجهات النظر من هنا ومن هناك ومعرفه كيف نفكر وكيف يفكر من هو حولنا وطريقه توجههم وكذا

ماني مع مبدأ ان لم تكن معي فانت ضدي ابداً وانما مع ان لم كن معي فانت مخالف لرأيي والفكره اللي احكي عنها موب الشخصيه نفسها ...

يندرج بعد تحت اختلاف الاراء طريقه لما احكي مع اياً كان وكان في مجمل حديثه انه يبي رأي استشاره وهكذا هالاشياء احس لازم يكون شخص فاهم متخصص بهالشي يقدر يعطي رأيه بحياديه تامه لكن لما انا يالشخص العادي اكون بهالموقف وابي ابدي رأيي او احاول اني ابديه فلازم اكون عارفه انه ماهو مأثر بقرارات هالشخص بشكل سلبي ابداً بحيث يكون رأيي او كلامي ضاره بوقت من الايام

غير هذا العواطف ومشاعري الشخصيه تجاه اي موضوع كان مالها دخل برأيي ممكن يكون لها تأثير غير مباشر بس نحاول انه ننحيه لو شوي ...

بعد الالفاظ وطريقه الحكي وانه نختار كل الكلام السلبي المتشائم السوداوي وكله عشان وشو عشان يقالك نفتح عيونهم معليش موب بهالطريقه ولا بهالاسلوب تكون طريقه طرح الاراء او حل اي مشكله ... فيه اللي يقول مايصلح نجمل لهم حالهم لانهم بينصدمون بعدين اما انا اقول حلو نخلي الجانب المتفائل هو الطاغي ونبين لو كان فيه سلبيه بشكل غير مباشر ولكن يكون باسلوب حلو ...

كلامي يمكن موب مرتب لكن من جد يضيق الصدر لما مانعرف كيف نناصح او نوصل للي يبي حل او اطمئنان بطريقه التجريح عشان نقول ايه فتح عيونك ولا نقول لا كونو سلبيين وقولو لا مافيه مشكله وهو فيه ...

سبحان الله الملافظ سعد ورحم الله اهدى الي عيوبي ولكن باسلوب حلو اقدر اتقبلها في من الناس الله يهديهم يجيك في وجهك يوووه ياغبيه يوووه انتي وراك كذا وبالفاظ شينه او انتي مسكينه بيلعب عليك او من هالكلام اللي بعضهم ممكن تكون عنده رده فعل سلبيه يا اما بيعاند وبيمشي بالشي اللي هو فيه من مبدأ ماعليكم مني لانه الاسلوب غلط في طريقه توصيل خطأه له او انه يستسلم ويقول ليتي من حجي سالمه ولشاورت احد

فيني طاقه حكي ودي احكي هههههه صايره لو اقرا شي او اتفاعل مع شي مخي شغال 24 ساعه واصير بيني وبين نفسي احلل هههههه ولاجيت اكتب هاللي ببالي طار ..

مساحه حكي ناتجه عن قل نوم :p

2009-12-15T01:40:00.000+03:00

جا ببالي اكتب لانه مافيني نوم وفيني نوم يعني ماتنحل ...

المهم وش الهدف من التدوين ... كثير الحين والاغلب عندهم مدونات ومواقع شخصيه ليش ؟

بحكي عن نفسي .... كتبت التدوينه او حرصت عليها وخليتها مثل دفتر المذكرات اي شي يجي ببالي سواءً سلبي ايجابي حاجه مضايقتنا او شي اعجبني اجي واعبر عنه ....

والسبب انه انا بطبعي اجتماعيه ولاحكيت وارتحت للاشخاص احكي واحكي وهذا اتعبره شي سلبي فيني اللي الثقه بسرعه وما اقول ثقه ثقه لا يعني ممكن كلش احكيه ... كماخه على قوله البعض :p

ممكن اجلس ايام ما احكي مع احد فيكون المتنفس الوحيد لي هنا ... انه اجي واحكي اللي ابي ما احد ينقد علي متى مابغيت انهي الحكي انهيته بدون شد ولغط وتريقه يعني ان نقدت نقدت على روحي هههههههه

خلوني احكي عن شي وسع صدري وانا جالسه اتصفح ايميلي كانت الرسايل مليانه وبعضها ما اكذب ما افتحها امر عليها وبس على حسب العنوان ان عجبني او لا ...

وكان من ضمن الايميلات مكتوب الامير سلطان بمشهد مؤثر قلت مني ناقصه وبالذت عقب مشاهد جده ... همن قلت يالله افتحيه ...

فتحته بغض النظر عن المساعده وهالاشياء لانه كلها بحسناته ان شاء الله ...

اللي أثر فيني كثير الطفل الصغير ياربيه بسمته مافارقت وجهه وياحلوها ماشاء الله .... رغم انه مريض ومايمشي ...

اللي أثر بعد فيني لما يسأله يقول وش تبي قال ابي سبحتك شوفي كيف الطفوله اشياء جداً جداً بسيطه ماعندهم طمع الكبار وجشعهم ...

الله يشفي الاثنين ياربي ... ويتمم عليهم لباس الصحه والعافيه ...

مشهد ثاني

من فلم رمضان .. مبروك ابو العلمين

تعرفون مع انه كوميدي ويضحك بس وربي فيها معاني ساميه كثير انا حسيتها فيه

عندكم هالمقطع ... http://www.youtube.com/watch?v=K-aLVVzUe9c

لما يقول الرجل الكبير وش نبي بالعلام باقي يومين ويموت قال عشان لما الملائكه تسألك تعرف تجاوب وربي بغيت اصيح معه ... فيها معنى فيها هدف انه العلم مهما كبرنا الى ان نكبر وحنا ماتعلمنا شي بالاصل ...

عندك المدرس وهيبته ... موب بهالشده بس عاد يكون شديد وصديق للطلاب عجبتني شخصيته انه يروح لهم البيت لاخطأو هههههههه بس عاد موب يكفخهم .....

عندكم لما سامح الطلاب وهم سكرو الغرفه عليه ولاراح لدوره المياه ورجع سامحهم ودرسهم ...

في الاخير رضا الوالدين وما ادراكم مارضاهم لما ترك حاجه يحبها اللي هي زوجته عشان امه .... بغض النظر عن قصه الفلم التفاصيل الصغيره اللي انا شفتها في جوا الفلم حبيتها حلو لما نشوف شي وناخذ منه الاشياء اللي ممكن تضيف لنا وتغيرنا للافضل ... ماهو عيب انه شخصياتنا تتغير لكن للافضل وما اقول الاساس لا شخصيتك قناعاتك باشياء كانت غلط ... او كنا مقتنعين بشي واثيت لنا العكس ...

معليش حوسه كتابتي بس كان ودي احكي ..

2009-12-09T00:19:00.001+03:00

http://www.youtube.com/watch?v=zJDdOMgQEig&feature=related

تعرفون لما تبكون بحرقه كذا من قلب تصير كانها طالعه من قلبك وربي بكيت بحرقه لما شفت المقطع

كثير حكو عن امطار جده واللي حاصل هناك فحديثي لاراح يقدم لاراح يأخر ... اللي كان ببالي هو ياربيه حياتنا على كفه وربي ... في لحظه طالعين همن غرقو لا اله الا الله مدري وش كان شعورهم وقتها ما احد يقدر يتصوره وماشاء الله مصلين مسمين مشهود لهم بالصلاح لو حنا مكانهم اللي اعتبر نفسي عاديه اذكر ربي بس لازلت مقصره باشياء كثير ذكر الله وغيره نجتهد بس هل هو كفايه ... يمكن النفسيه هاليومين لها دور بس وربي شي يقطع القلب ... الله يرحمهم ويغفر لهم ويرحمنا حنا برحمته ... ويجعلني ياربي ميتته محمد بفراشه ويحسن خاتمتنا ولايكشف لنا عوره ياربي ...

مدري وش اكتب ولاني من النوع اللي يصيح عند احد بس وربي غصب كذا لاشعوري ماودك احد يشوفك بس اللي بيشوفه والرجال اللي مر ودموعه بعينه لا اله الا الله بس ...

تضامناً معهم / كُلنا جِـدّة : Together to save Jeddah‏ ~

2009-12-04T15:36:00.000+03:00

http://vb.eqla3.com/showthread.php?t=529945

وربي قطع قلبي ...

الله يرفع عنهم ياربي .... هذا حقهم علي ...

لا اله الا الله

2009-10-31T02:42:00.000+03:00

شوفو هالمقطع

بما انه صايره اغلب تدويناتي مقاطع من اليوتيوب

هالمقطع وربي دمعت عيوني وانا اشوفه غصب يعني صوت الاذان نعمه وربي يخليك تحس مدري وشلون اوصفه

لاخلص الاذان وقلنا لااااا الــــــه الا الله احس بشعور ثاني هذا واحنا مسلمين

هالمره ماهي مسلمه ولاشي حرك الاذان فيها شي دمعت عيونها ... الفطره اللي ربي خلقنا عليها تحركت فيها قلبها لو كان حجر تأثر ...

المقطع جدير بالمشاهده ...

black hole

2009-10-25T10:44:00.002+03:00

الحفره السوداء

http://www.youtube.com/watch?v=P5_Msrdg3Hk

شوفو الملف المرفق وتمعنو فيه لو جد وجدنا هالحفره وقدرنا ندخل فيها وش الخيارات اللي ممكن نحط هالحفره فيها

بالنسبه لي ... :-

1- بحطها بالسما وكل يوم بديره بلف العالم كلها ماني مخليه ولاديره ولاعاير الا رايحه له ابشوف العالم

2- بحطه كنظاره سحريه تقرأ مافي وجيه الناس ههههههه ابي اعرف كل وجه عن ايش يعبر بحيث اني اغوص بدواخلهم واشوف وش يفكرون او وش يشعرون فيه ...

ابي اشياء كثير بس مدري وشي

حفرتكم وين بتحطونها ...

2009-10-20T01:24:00.000+03:00

http://www.youtube.com/watch?v=8yYcEX5O5a4

http://www.youtube.com/watch?v=heMgid4rkzU

من جد يستحق نوقف عنده كثير وكثير

اللي يقولون مانقدر نبدع ماعندنا طموح ... ابدعت بالرمل الرمل مالي شوارعنا بيوتنا شيء تافه بنظرنا شوفو كيف ابدعت فيه

يالله المقطعين روعه فيهم احاسيس صامته اكثر حاجه اثرت فيني منظر الام وحيده

ومنظرها وهي تكلم زوجها وجابو دقات قلبه

روعه هالمقطعين

أنا

2009-10-12T17:09:00.004+03:00

كاتبه كتعريف عني اني أنا لكن وش هـ الانا ....

انا من الناس اللي احب اقرا الملف الشخصي للناس احب اعرف وش يحبون وش مايحبون وحتى كيف يفكرون وبكذا تتكون عندي لو ملامح مبدأيه عن هالشخص يعني ابداً ما احكم حكم مبدأي او من شكل الشعر بالقبول او غيره هذا غير لانه النفس ممكن تتقبل هالشخص او لا من شكله لكن لما نعرفه او حتى يحكي او من ميوله وش يحب وش مايحب وش يفكر فيه وش اتجاهاته هنا ممكن تتغير عندنا الصوره وبعض المرات تغيير جذري ...

نجي للأنا ...

قارئه نهمه أنا احب اقرا بأي شي وساعات اخاف على عيوني من القراءه ههههه كانت بدايتي من الابتدائي من ايام مجلدات ميكي وهالاشياء ومن ثم انتقلت لمكتبه ابوي اذكر كان عندنا مكتبه بالصاله ملياانه كتب الصالح والطالح كتب يصلح قراءتها وكتب لا وما كنت اهاب احد اخذ الكتاب اقراه همن ارجعه ههههه ومن ثم صرت لا انتقي الكتب واقراها منها كتب السير الذاتيه اللي هذي احبها جداً ... الراوايات احب قرائتها وممكن في اليوم اقرا 3 الى 4 اتذكر ايام الكليه كنت اسكر على نفسي ويقالك اذاكر والحرمه تقرا بهالروايات وامي انعميتي من هالذاكره وانا اقرا بهالروايات جتني فتره نقول فتور طرأ علي انقطعت ماعاد اقرا الا الشي البسيط او اني اقرأ بس ما اكملها ... ثم رجعت للقراءه ولكن ماهو بشكل كثيف زي قبل على حسب الوقت وعلى حسب المزاج ...

ولكن تظل القرأه اعتبرها غذاء العقل والروح ...

السفر وما ادراك من السفر احبه واحبه كثير .... كثير القى نفسي بالسفر لانه نعيش لانفسنا لا رسميات ولا مجاملات لا على طبيعتنا

احب اسافر احب اكتشف الاماكن كل ماحصلت لي فرصه ... أؤومن انه السفر شيء ثانوي بالحياه متى ماتوفرت الفرصه بحيث انه ما اضغط على نفسي او على اللي حولي عشان سفره ان حصلت زين وان ماحصلت فما تأثر ...

السفر اعتبره غسيل للروح ... تصفيه للذهن ... غير هذا اكتشاف ناس برا محيطك ... ثقافات ... وحتى طبيعه بلاد ...

لما اسافر ما احقر نفسي ههههه احب اكتشف كلش ادخله ناسبني زين ما ماناسبني اكتشفت وش شعوري وقتها ...

من المواقف اللي بيتها في السفر انه احب الاوبرا واحب المسارح الموسيقيه اللي يكون فيها فرقه عاد مدري وش تسمى اوركسترا او مدري وشي ... كان يغني وصوته حاااد جداً ... ويحرك يدينه بشكل مضحك قليلاً ... اغلب الحضور كان من كبار السن وكانو كبلز ... كنت انا وقتها الشابه الوحيده قبل لا اعجز طبعاً ههههه ووحده يابانيه او صينيه كانو منصتين الا انا كنت منصته ولكن اهتز ضحكاً مدري وش كان شعوري وقتها لانه كان شي جديد ... لكن اتمنى انه الزمان يرجع عشان استمتع ... جد بتلك اللحظات ...

السفر اعتبره لاوقت للنوم .... اخذ كفايتي وفقط ولكن استمتع بكل لحظه فيه لانه جد من متع الدنيا ...

مسلسلي المفضل لو اشوفه ميه مره وربي مامليت احبه بكله وتفاصيله ... يخليني اضحك حد الدمع ... من جد لاضاق صدري فتحت اليوتيوب وقعدت اشوفه ...

احس هالمسلسلات من وقت الزمن الجميل من جد مانشوف قله حيا او صياح وظلم ومدري وشو كنا نحاول نجمل الحياه حتى لو كانت العكس

اكثر مشاهد معجبتني بالمسلسل لما يروحون يصرفون فلوسهم وهم بالسياره كانت فيه اغنيه

http://www.youtube.com/watch?v=yNt1xPuOvO0&feature=related

وبعد بالحلقه الاولى الظاهر لما يطق عليهم الباب ويصارخ ياني اموت من الضحك على هالمشهد ياربي احب هالمسلسل ... حد مدري وش يقالها لكن احبه هههه

مطعمي اللي احبه ... chilis

اول ماحبيته من فرعهم بالبحرين ... كان يعجبني جوهم مهوب صامت .. زينا هههه وقعت في غرامه من اكلتهم الدجاج موب لحمه المقرمش مع البطاطا وفوقها صوص ابيض قمت اسعبل وانا اكتب هههه من جد احب هالمطعم واحب اكلتهم هذي بالذات ...

Quattro

وفيه مطعم ثاني بعد حبيته هو بالمملكه تحت ايطالي الظاهر والله اني مدري لكن حبيت اكلهم جوهم ... حتى طريقه تعامل العاملين فيه كانت جداً محترمه ... كان يجي اللي ياخذ الطلبات يقترح الاكل علينا وكنت اخذ على حسب ذوقه لانه ذوقي موب صعب في الاكل

واحب اكتشف واحب الاكل اصلا هههه وكل شي جابه لنا احلى من الثاني بصراحه ....

جربو اللزانيا حقتهم شي ... صراحه مره حلوه ... وجربو حلى عندهم مدري شسمه كان حلو بعد ...

احب اغاني محمد عبده كثير محمد عبده زماان ... موب الحين مدري صرت ما احب اسمعه وبالذات الجديد منه ...

يمكن ظلم نفسه بظهوره الاعلامي كثير ... او انه الاعلام المرئي ظلمه بانه صار كثير ما ادري

لكن كان يعجبني له زمان ... ليالي نجد , كل مانسنس , أبعاد يالله احبها هالاغنيه كثير ... على البال ... وكثير لكن ماتحظرني ...

من القديم بعد يعجبني ... محمد فوزي .. ثومه .. ورده ... عبد الحليم ... فيروز ... فخري او نصري شمس الدين ..

تعجبني واحب اسمعها واطرب لها .......

وهذي بعض من ذائقتي ..

محمد عبد الوهاب محلاها عيشت الفلاح احبها كثير هالاغنيه

http://www.6rbtop.com/downram.php?song_id=21087&type=au&q=hi

انسى الدنيا بعد من اغاني عبد الوهاب اللي اقدرها كثيير

http://song.6rb.com/songer/x/egypt/abdelwahab/abdelwahab-ensa_eldonya.ram

محمد فوزي ايضاً احب اغانيه ومنها

http://song.6rb.com/songer/x/egypt/fawzi/fawzi-ba3d_baitna_bebait_kaman.ram

من فنانين الزمن الجميل احب تمثيله وافلامه تعجبني كثير .... في فتره مراهقتي حبيته ههههههه ايام الخبال بس كنت اخاف من امي اجمع صور وكذا فكنت بس اشوف افلامه ولارحنا لجده كانت قنوات مصر تطلع عندهم وتجيب افلام مصريه ابيض واسود كثير فكنت ما اطلع مع اهلي واجد اقعد بالبيت وبس من فلم بفلم ههههه

بعد كنت احب فاتن حمامه من ممثلات الزمن الجميل حبيت افلامها ومسلسلاتها واكثر مسلسل حبيته لها ابلى حكمت

الكاتب جوستاين غاردر من الكتاب اللي حبيت طريقه كتابتهم وتفكيرهم ... يميل للفلسفه شوي واحب هالشي بحيث اني ممكن اخذ كم احتمال وكم تفسير ... للشي

كتابه فتاه البرتقال حبيته قرأته بسرعه وقفت عند اجزاء كثير فيه ...

من الكتب الللي حسيت انها تستحق القراءه لكن يحب التفكير والغوص بدواخل الامور

هذا بعض من أنا ...

2009-10-03T16:14:00.001+03:00

كثير ما اسمع عن المثاليه ومدعي المثاليه ونشمئز منهم

اذن بعيداً عنهم وبعيداً عن الادعائات والايحاءات هي جلسه صدق بيني وبين نفسي ...

وسأصوغها في نقاط ...

* اسعى كثيراً الى المثاليه في علاقاتي .. بيتي .. سواءً كانت على الصعيد الشخصي .. الاجتماعي .. وحتى العاطفي...

ولكن ليست بالمثاليه اللي يتصورها البعض لا قد تكون سلبيه نوعاً ما .. وقد تكون قاسيه بالنسبه لي نوعاً ما ... وقد تكون تخاذلاً في كثير من الاحيان ...

حينما أحاول جاهده إسعاد البعض ورسم ولو طيف ابتسامه على شفاههم هل تكون مثاليه ..؟

حينما نصيّر درعاً واقياً ضد الصدمات وذلك لجعل حياه من تهمنا أمرهم يسيره تكون مثاليه..؟

قد تكون المجامله على حساب انفسنا أيضاً مثاليه ولكن ماضيرها ؟

االبعض أعتاد منذ الصغر ... على العطاء وليس الاخذ ... أصبح في عمر الـ 50 وهو يلهو في عمر الخامسه عشر هذاً ايضاً يعتبر مثاليه؟

بعضهم فقط حروف على سطور او قول بلا فعل ... ولكن البعض لا ...

أن نجعل عجله حياتنا تتقدم ... وان لا تتعطل فلا اعتبر هناك ضرر ,

الحياه مدرسه كبيره تجعلنا نتعلم منها ما اقول انه لا نخطيء الا أخطيء ويصوب لي .. أخفق وبعدين أنجح ...

وأخطائي أكثر من حسناتي ولكن نقول لعل وعسى وحتى لو كان على حساب انفسنا...

قالت لي قريبه لي ... خففي شوي ياقشامه .. من النصح وليس النصح لاي شيء لا ... قالت ارجعي لعمرك الحقيقي ولا تضيفي له عقد من الزمان فوق عقدك ... مازالت هالكلمات ترن في اذني ...

لما مانبي نجرح حتى لو كنا مجروحين ... مانبي نضايق حتى لومتضايقين ... تبي الاخر افضل منك ومع هذا وكانك ماتسوي شي ...

تدوينه ذات تشويش ...

2009-09-21T20:35:00.002+03:00

وداعاً رمضان ...

وكل سنه وانتم طيبين ,, وعيدكم مباركـ ,,

رمضان كــريم

2009-08-13T20:46:00.002+03:00

اللهم بلغنا الشهر واعنا على صيامه وقيامه يارحمن يارحيم

الشهر مبارك ...

فضفضه

2009-08-10T19:39:00.002+03:00

مع انتشار انفلونزا الخنازير بالبدايه كنت عادي قلت يضخمون الامر مثله مثل انفلونزا الطيور , جنون البقر لكن مع هالانتشار اللي يخوف

من جد صرت اخاف .. قل لن يصيبنا الا ماكتب الله لنا بس بعد الوقايه خير ...

اللي مضيق صدري اختي توها جايه مسافره ادري اني غلطانه بس مارحت على طول اسلم عليها قلت موب الحين هه شوي زعلت وانتي وانتي الصدق حبيب قلت ابصبر عشان الانفلونزا صرت مره مااطلع كثير وخلقه ما احب اطلع نجلس بالبيت ان طلعنا تمشينا ورجعنا وبالليل بعد بس

انا مابي اصير موسوسه واتعوذ من بليس بس بعد الواحد يخاف على نفسه لانه صاير تهاون كثير بهالمرض ومخلينه عادي ... وهو ماهو عادي ... ما احد ميت قبل يومه بس غصب :(

هههههه شكل اهلي بيزعلون على لاجا اخوي من السفر ومارحت له هههههه ياربي تحفظنا وتحمينا وتحمي كل مسلم ياربي ...

اللهم بلغنا رمضان وارحمنا وارحم موتانا وموتى المسلمين

2009-08-05T09:25:00.003+03:00

يااارب ترحمها وتسكنها فسيح جناتك ياارب

بنت الحلال ما اعرفها ولاعمري تعاطيت معها لكن كنت اقرا لها ردود في موضوع تغطيه قرايز

محترمه كثير , مرحه

وربي صدمه ضاق صدري مرره عليها

الدنيا ماتسوى ورب البيت

من فتره قريب لي الله يرحمه توفى ماكان فيه الا العافيه تعب تعب بسيط دخل المستشفى توفى على طول

وقسم بالله اني انصدمت وصدمه كبيره صوته يرن باذني كلماته يدعي لي بالتوفيق انا وبنته مايناديني الا يابنيتي مع اني كنت استحي منه

والله دمعت عيوني وانا اكتب

الله يبلغنا رمضان وحنا بصحه وعافيه ويرحمنا ويرحمهم ويسكنهم جناته يارحمن يارحين

فضفضه

2009-07-11T21:36:00.003+03:00

الاهتمام بالاشخاص سواءً أقرباء , زملاء , أوحتى اصدقاء مفضلين

قد يفسر على حسب مفاهيم وتفكير الاشخاص الاخرين ومدى تقبلهم لـ هالاهتمام .

ببعد عن العربي الفصيح لانه من جد لما نحس انه اغبياء او على قولتهم فينا " صحاحه زايده " وش عشانه عشان انه اهتميت وسألت يضايق هالشعور كثير ...

صرنا نتحسس من كل شي ليش يهتمون, لقافه , وممكن نجرح الشخص الاخر عشان وشو مكابر مال امه داعي ...

أو انه يشاف وش دخلك تهتمين وكذا ,, الاشخاص الغرباء عنا لما نسمع خبر عابر نتأثر فما بالنا بقريب لنا

والله اني افرح لما شخص يهتم , يسأل ولا نفسر انه وش دخلكم ومن هالشي..

يالله الله يصفي نوايانا ان شاء الله ,,,

حالفه ما اتناقش مع احد من تالي بس ما اتوب

2009-06-14T19:57:00.003+03:00

مسا الخير ...

سبحان الله مااحب في اي نقاش اتناقشه مع اي كان انه يكون شعاره ان لم تكن معي فأنت ضدي

اومبدأ التطنز والتقليل من شأن الاخرين ...

اليوم في نقاش اسميه بصراحه عقيم ومايبون يفهمون والا الخطأ يركبني ومبدأ هل ترضين وما ترضين

http://vb.eqla3.com/showthread.php?t=448576

موضوع عن انه سعوديه تدور شغل حتى لو تخدم بالبيوت

مواطنه سعوديه تعمل خادمه في المنازل بسبب فقرها وفقر عائلتها الشديد !!!!! ‏( 1 2 3 ... الصفحة الأخيرة)

الكل بالموضوع مسيكينه ياحرام ومن هالحكي ليش مسيكينه عشانها طقت باب الرزق الحلال , عشانها مالجأت للطريق الخطأ ولا طرت

وربي لو انها مسويه غلط والعذر انه محتاجه ان ياكلونها والفقر موب عيب خلاص اجل تموت وتجلس ببيتها الين تمطر السما عليها بترول ونقول من حقنا البترول وليش الناس تنولد في فمها ملعقه ذهب وانا بلاستيك

مكاتب الاستقدام ممكن انها توفر هالشغله تستر وتوفر الكسب الحلال بمقاييس بحيث انه ماتشتغل اي شغله يكون محدد دام الكرامه شغاله من تالي ...

وربي الناس اللي تدور الرزقه الحلال اللي تخليني انام قريره العين وبالي متهني تسوى الدنيا عندي

الظروف كلها ممكن تتعاون من دوله ومواطن والشخص المحتاج نفسه

مشكله بعضهم لاشهاده , لاتعليم سنع , وشين اخلاق ويبي وظيفه يجلس على مكتب ويهب عليه المكيف وقضينا لاجت الساعه 2 طلع بالله هذا شغل وين اتعب وين ابحث عن مصدررزقي احاول

العيب معروف وشو لما اجلس بالبيت واسب والعن الظروف والدوله وناس ليش تسافر وانا لا

السفر يعتبر شي اقل من ثانوي ان تم فهو نوع من الترفيه وان ما تم فما راح تنهد الدنيا ...

اللي يقول مرتاحه وما اعرف ايش الحمد لله اول ما توظفت راتبي 2000 ريال للي يقول انتي وانتي ماقلت وع مايكفيوعلى بند العمال وعيب

الحمد لله الظروف تتيسر والشغل بركه سواء مكتبي او غيره الواحد يطور نفسه يترقى يرقى السلم درجه درجه

منهو اللي بيفلح بمزرعته وبيده وبيصبغ بيته بيده

او جزء منه مافيه

هالعمال ماكلينا اكل واحنا نقدر ننجز احسن منهم

خلونا من المثاليات والاستعطاف بدال مانقول ماشاء الله دورت لقمتها ولقمه عيالها بالحلال نحبطها ونخليها تلجأ لشي ممكن يكون خطأ ونركبها الخطأ من ساسها لراسها ...

حنا شعب الله المختار ما نشتغل اي شغله ...لومعنا ابتدائي مانرضى الا بمرتبه وزير والحق راكب الدوله والبترول هههه عجبي ..

هي وجهه نظر ممكن اكون غافله عن نقاط ممكن اكون خطأ ما يندرى لكن شي في الخاطر ...

2009-04-21T19:40:00.000+03:00

revolutionary road

شفت اليوم فلم ريفالويشن رود اللي حمسني اشوفه الابطال انفسهم ليناردو وكيت قلت ان شاء الله يكون بنفس مستوى وقوه تياتانك ومعاهم بطله بعد احبها ويعجبني تمثيلها صراحه اللي هي مسؤوله العقار اللي باعتهم بيتهم
الفلم مقتبس من روايه للكاتب ريتشارد ياتس ومن ماقريت عن الكاتب انه روايته مره ناجحه فحولوها لفلم ...
هي قصه في الخمسينات ... وتعجبني الافلام في ذاك الزمن بالاضافه لزمن الرومان احبها لتحفظها شوي ... وتعجبني حياتهم قبل ..
الفلم قصه ابريل ... وزوجها فرانك بدايه الفلم كيف تعرفو على بعض بعدين ابريل تمثل بمسرحيه كهاويه بس ... وزوجها يشتغل في شركه بس مافهمت وش طبيعه
هالشركه .. بس الظاهر اشياء الكترونيه لانه الفلم ما ترجم فكلمه افهمها وكلمه لا وكل شوي موقفه الفلم واحط
اللي ما افهمبقوقل واترجم عشان افهم << مشوار صح هههه وعندها طفلين اثنين ... ويعيشون بمكان يقاله ريفاليوشن رود يعني الطريق الثوري ...
اول الفلم هي بعد المسرحيه اللي أدتها صاحت وضاق صدرها لانه فاشل على قولتها وزوجها بيهون عليها وهي عنيده راكبه راسه ... راحو بالطريق وتهاوشو
يختلفون باشياء ويتفقون باشياء يعني حياتهم فيها شوي رتابه وملل ...
المشهد اللي حز بخاطري انه لما جلس مع زميله له بالعمل عشانها ساعدته في شغله وغلط معاها وكان يقولها انهاليوم يوم ميلاده وكذا وانه يوم ميلادي طيب ... ما يبي يصير زي ابوه وكذا
رجع هو للبيت ولقا زوجته واولاده فرحانين انه يوم ميلاده ... ومجهزين له حفله صغيره
ودي اني معطيته كف وقتها ههههه
هي كانت فرحانه ... فيه وفرحانه بانه لقت الحل في هالرتابه وهالعيشه بانهم يروحون لباريس ...
وهي تشتغل ... ويعيشون هناك ...هو وده ولا وده يعني متردد ويوم وافق حسيت انه مو من قلبه ... بس علشانها ...
وعلى قولتهم تجري الرياح بما لا تشتهي السفن ... زوجها تجيه ترقيه بشغله ... وهي تحمل ...
حسيتها مره اكتئبت مسكينه ...
وبالذات لما زوجها ...عرف انها تبي تطيح البيبي ... وما تبيه وتهاوشو
اللي اثار كم تساوؤل عندي انها لما قالت له ما احبك قالها انا غلطت استغربت موقفها لما قالت سو وت ... تبيني اغار ... او ايش ... قال وش تفكرين فيه قلت ولا شي ... بكيفك سو اللي تبي ... حسيت انه الهدوء قبل العاصفه ...
اسطناع اللامبالاه ... وهي تبالي ... حياتها وصلت طريق مسدود .. حاولت مانفع ... كملها الاخ وجا يصارحها ... طيب وش تسوي ...
انا لومكانها والله لا يقوله ... بوقف زيها يمكن ويمكن لا مدري ... بس موقفها حرام مسكينه ..
كله كوم ... وجون كو م هههههههه حسيته العاقل فيهم بصراحه لما يحكي ... ويكون حكيه قاسي بس صحيح
اللي جد عورتني كلمته لما قال يعني على حسب مافهمت اشوى اني منيب هالولد اللي بينولد ...
يتهاوشون ... وياكثر ذا الهوش ...تنحاش الاخت للغابه ويلحقها ويتلاقطون هناك قالت خلاص بجلس لحالي احتاج افكر
يروح ويخليها ... ونرفزني مره تدخينها بعد ...كثير مشاهد تدخينها بالفلم

يقوم الصبح زوجها ولا عاااادي ... تزين له فطور يسولفون سوا ... عن شغله ... تعرفون ترى الجوبعض المرات يكون مشحون بعد الهواش ... بس يكون شوي فيه تفاهم هههههه موب زيهم لا بس هه
انا من شفتها هاديه قلت ابد بتزين شي وجا ببالي انها بتسافر لحالها وبالذات لما كلمت تسأل عن عيالها
راح زوجها طيحت البيبي ... وكلمت الاسعاف ... صارت بغيبوبه ... وبعدها توفت الله يرحمها وزوجها متأثر ...
وزعلان ...
عجبني الشويب اخر الفلم لما زوجته قامت تسب بكيت الله يرحمها وزوجها ... وشلون قصر سماعاته مثل اللي يقول تراي سمعت هالحكي من زمان ...
الفلم حلو ... درامي سردي ... يبي ذهن صافي ... عشان تفهمين نقاط فيه ...
انه الحياه ممكن تمر بامور رتابه وكذا ...
انه الاحلام ... ما نلغيها ونغوص بشي محدد بس ... لازم يكون لنا طموح ...
لازم يكون فيه تنازلات .. ومسك العصا من النص ... عشان مشي الحياه ...
الفلم موب شين بس طويل شوي وهه فيه ملل كم مره طاح راسي من النوم ههههههه
مافيه حياه ...
اعطي الفلم بصراحه ... 6/10
وبس ...

. .

2009-04-20T01:25:00.001+03:00

[URL="http://www.4shared.com/file/100189166/fb410b39/Mono_-_Follow_The_Map.html%22]*[/URL]

غمضو عيونكم اسمعوها بدون صجه لا تلفزيون ... ولا سواليف جو هاديء ان ماصار بالحوش تحت نخله يكون ازين

مع هالجو هاليومين شي

بصراحه لما اسمع مقطوعات زي كذا تجي ببالي اشياء كثير خيالات اكثر ... مثل هذي اسميها

Flash Back

يعني ارجعو لورا .... اتذكر الاحداث وانا في مكااني افكر سواءً كنت ضايق صدري او لا

عارفين لما اكون بمكاني يكون تعابير الوجه مبهمه مافيه تعابير اللهم الذكريات ترجع لورا لاشياء محدده

هالموسيقى نفسها تحدد هالاشياء والنفسيه نفسها في هالوقت تحدد وش هالاشياء اللي نتذكرها ...

عشان اوصل لفكره بشكل اوضح ... لما نشوف مسلسل او فلم .... ويكون احد يتذكر ... ويجيبون اشياء لورا ... زمان حصلت كذا يعني ...

مخرج

علي مدونه تجيب الهم ههههههه مافيها فكره معينه ولا اسلوب كنه شخابيط على دفتر بس مايخالف ...

Australia

2009-04-08T22:11:00.001+03:00

بما انه مودي هالايام صاير مود افلام وبالذات لاصرت فاضيه وماعندي شي او اي التزامات

صايره احب اشوف لي فلم اواثنين

شفت اخر فلم Australia .

لنيكول كيدمان وهاك جاك مان

حبيت الفلم كثير من تصويره لموسيقته لكله ...

اللي عجبني بعد انه مركزين باغلب الفلم على بعض من سكان استراليا يقالهم " الغلاسيون " وكيفيه معاملتهم وكذا

اللي ااعتبرهم من ابطال الفلم بالضافه لنيكول وهاك الطفل الصغير وجده اللي يسميه "كنج " حبيت الجد وحبيت الوليد الصغير

قصته انه مسسز بوس تجي لاستراليا تدور على زوجها ... اللي تحسبه بعلاقه مع وحده ثانيه وتجي ولاه مقتول .. تحزن عليه

الولد علمه جده انه يأثر على الاخرين بالغناء بتنيمات هو يغنيها وتأثر على الاخرين وفيقوله انه بمصلحه الاخرين

تتعرض نيكول لتهديد من البعض بانه تبيع ارضها وكل شي لكنها ترفض وتقرر انه تتبنى الولد وتعيش بالارض .. مع اللي حبته اللي هو جاك ..

من المشاهد اللي اثرت فيني من جد ... لما الولد يروح يتخبا هووامه جوا خزان المويه ويفتحون مرافقين الشرطه اللي جت المويه ويقول الولد لامه اسكتي وهي متعلقه بالسلم .. يعني نظره الام ونظره ولدها قطعت قلبي .. مدري انا صايره حساسه بزياده او انه جد يأثر هالمقطع ...

تماسك نيكول مع الشرطي ..وعينها على الخزان وعين على الشرطي ... ركضها انقذهم انقذهم ... كله كله عور قلبي ...

بعد لما ماتت امه والولد وهي منسدح يصيح .. تجيه بتحكي معه همن تقوله قصه ... ياربي رحمته يعني كيف الطفل الصغير نقدر نسليه ونبعد عنه حزنه باتفه شي وهي قصه صغيره انحكت له

الفلم بشكل عام حلو واعطيه 9 / 10 صراحه

http://www.youtube.com/watch?v=B0wjMRBs12g

هنا نيكول وهي تقص القصه عليه وكيف نحاول بعض المرات انه نوصل لمستوى هالصغار وعقولهم ولو بشي بسيط

الفلم فيه لقطات مضحكه بعد عند لما نيكول لابسه نظاره ههههه حبيتها ولما قامو يتطاقون بشناطها ووشلون انهبلت ...

البطل حبيته وهو وصخ وكله تراب ازين من يوم تنظف احسه مكياج ومكحل عيونه ماجاز لي ههههه :D

رسائلٌ لن تصل !

2009-03-25T09:33:00.000+03:00

ألا يا رحمة الموت وينك عني .. !!

وانا جالسه احوس هنا وهناك وياكثر ما احوس لقيت ببعض ردود مثل هالجمله الا يارحمه الموت ..

كش جلدي وربي ... وش هالحكي مهما كان ماتوصل بنا لهالدرجه ...

ووش عشانه !!!

معليش ربي عطانا حياتنا أماانه نوجهها لاشياء في مصلحتنا تفيدنا في حياتنا موب اقف همن اقول ودي اموت .. ومهما كانت الاسباب ..

الحكي سهل بس الموت الله يكفينا شره لاخطف شخص عزيز او حتى هاللي تمنى وش حاله اهله .. معليش الحياه ماهيب شينه ترا ... وماهي تدور في فلك اشخاص معينه ..

ودي اكتب اكثر واسترسل في نقط كثير رافعه ضغطي ... بس ماودي اوصل لها .. يمكن فتره وتعدي .. ويعون بعدين انه كل هالحكي خرابيط مراهقه لا تسمن ولا تغني من جوع

المراهقه

2009-03-24T00:43:00.000+03:00

وانا جالسه احوس باغراضي هه من هنا وهناك لقيت لي كم نوته من ايام الثانوي والكليه

يا انا ضحكت على نفسي وحسيت اني بزر وسخيفه ...

يمكن افكاري ذيك الايام غيير بس وانا اقرا اقول وش احس فيه بالله

من الامثله الاشعار او بيوت من الشعر اتناقاها واكتبها مثلاً ..

لقيت هالبيت كاتبته واذكر من وين خذته من جزء بجريده الجزيره

البيت هو

الله من قلبٍ هممه تحشّه ... حشه ادقاق العشب من كف حصاد

على اللذي ماعندنا له مغشه ... الا الموده والغلا جايرة زاد

بالله وش ذا الهموم اللي ماليتن قلبي الا خربطتن فاضيه هههههههه المشكه انه ماكانت لي صديقات كثير ولا كنت من راعيات اعجاب وما اعجاب

لا وكنت بالمتوسط لما اشوف حركات الاعجاب بنت معجبه بنت كنت اقول وراي موب مثلهم اعجب ومدري وشو همن اهون ههههههه

وبعد من الامثله ذا البيت الظاهر كنت متهاوشتن مع احد وكتبته مدري عاد ههههههههه

من باعنا برخيص بتراب ينباع ... ومن عافنا كل الجوارح تعافه

يااكافي ههههه

اما هالبيت شي شي الظاهر يضف حاله عدم الرضى عند المراهقه وانها شينه ما ينواق بوجهها ...

من يرفضك لاجل شينك ماحفظ زينك .... لو كنت له " يوسفي الوجه " ماصانك

ياربيه على تفكيري ههههههههههههههههه

اللي اكتشته انه مافيه ابيات حب وغزل ومن هالخربطه اشوى عاقله كلها حكم وحزن وتراب شينه :D

وبعد انه خطي كان زين فرق بين الحين واول ...

ايام المراهقه حلوه وصدق انه ما اكون راضيه عن نفسي اكثر الاوقات بس هي مرحله ومرت بحلاوته وشينها ..

صدق ضحكت عليها واستسخفت نفسي كثير بس هل افكار كلها براءه وماعندنا اشياء شينه هه ان شطحت وسويت شي غلط قريت روايه وديتها تحت الكمدينه ههههههه لا وصارت امي كاشفتني وساكته

يالله ايام

--

2009-03-24T00:37:00.000+03:00

من تالي كل ما اسمع خبر موب زين اكتئب بشكل كبير ..

اخرها خبر وفاه مدرسه لي حزنت حزنت بشكل كبير .. ماكنت احبها ولا كنت اكرهها .

كانت بنت حلال حبوبه وماعليها

اللي حزنني انها تعبت وكله بشهر الله يكفينا الشر ...

الله يرحمها ويرحم اطفالها ويتولاهم برحمته ياارب ...

وموب بس خبرها لا .. كثير اشياء ..

صح انه طريق وماشين فيه بس غصب .. شيء نفسي

اسلوبي صاير موب ذاك الزود بس فاقده لياقه التعبير والكتابه كثيير .. : )

2009-01-22T01:11:00.000+03:00

الموسيقى الكلاسيكيه كثير احبها

استمتع كثير وانا اسمعها اكثر بكثير من اني اسمع اغنيه ومدري وشو

اللي خلاني اكتب انه قاعده ابحث في تراث زمان وكذا وشدتني موسيقى الاخبار زمان اذا تتذكرون

حقت القناه الاولى دورتها الين لقيتها ولقيت لها تكمله بصراحه عجبتني كثير

http://www.tntup.com/audio/view.php?play=4fd1fa050357351d5c953fe880f0d0f0

الموسيقى عندي احسها تحكي ممكن انها توصل اشياء اكثر من الكلام ...

عندي في مقطع الموسيقى اللي حطيته لما يجي مدري وش اسمه المزمار الظاهر يذكرني بايام الشهبدر والف ليله وليه ومن هالحكي

او يذكرني بالسبعينات الميلاديه مع اني ماكنت وقتها موجوده بس مدري ليه تجي ببلي ويجي لما يكون شريط لاول ابيض واسود وكذا

اشياء كثير ماتحظرني الحين ...

الموسيقى لغه مثلها مثل اي لغه ... بس مو اي احد يفهمها .. : )

2009-01-07T07:49:00.000+03:00

عجبني الكاريكتير بصراحه انه يسألون الطفل عن اشياء تهمه في حياته وهو مكانك سر اما اشياء ماتفيده اصلا يكون التركيز عليها

...

أطفالنا للأسف سطحيين لابعد الحدود ... الا ماندر وينعدون على الاصابع والسبب هالحشو اللي حاصل على سنع وغير سنع ...

كل سنه وانتم بخير ..

2008-12-07T21:22:00.000+03:00

دي جافو مره ثانيه

2008-12-03T11:28:00.001+03:00

من فتره حكيت عن فلم اسمه دي جافو وهنا حكيت عنه

http://gshammah.blogspot.com/2008/01/blog-post_08.html

وبما اني شوي فيني لقافه وخلينا نلطفها شوي ونقول حب استطلاع بحثت عن معناها ومر علي مرور الكرام خلاص عرفت معناها ولا عاد رجعت لها

الى وقت قصير ... وضح لي معناها عضو مشكور من جد بالاقلاع وهنا رابطه

http://vb.eqla3.com/showpost.php?p=8805050&postcount=154

كان ردي على طابور

على طاري الديجافو كثير حبيت
الفيلم وبحثت عن المعنى وقريت عنه من فتره وحتى حكينا بهالظاهره ... تعرف ياطابور
... الظاهره فسرتها انا من منطلق ايه بالقرآن ماني حافظتها والله بس انه كل اعمالنا
وكل شي يصير لنا مكتوب وحفوظ في كتاب فشي طبيعي انه تمر علينا بعض المواقف ونحس
انها حصلت لنا ونقول ياربي هالموقف قد صار لي بس مدري وين وهو اصلا ماقد صار ...
البحث في الماورآايات ممتع كثير بس التعمق فيه ترى شوي يهابه الانسان ... ساعات
نقول لو مانبحث عن بعض الاشياء احسن ... طبيعه الفلم مو بس اكشن لا فيها حبكه قصه
... ومنها موضوع الديجافو طولت بالحكي معليش وعطيتني شي اضيفه للمدونه وبعد اذنك
باخذ اللي جزء من اللي موضوعك فيه واستفدت من المعلومات عن جد وتم حفظ الموضوع كامل
لقرائته برواق

الموضوع جميل وجميل جداً يحكي عن ظواهر كثيره منها الاشباح واشياء كثيره ثانيه ... يعنياللي قلبه قوي وما يوسوس له كمن يوم ويهوجس وهو نايم يحلم همن يفتح عيونه همن يقول بسم الله لا يقراه ههههههههه

أمير قطر و قرار سحب السيارات‏

2008-11-25T02:17:00.001+03:00

أمير قطر و قرار سحب السيارات‏

ارسلت لي وحده من صديقاتي ايميل انه امير قطر قرر يسحب كل السيارات القطريه من برا بمافيهم عياله

السبب ايش ؟؟

انه فيلم امريكي جديد مصور رجل اعمال قطري تجارته البنات والاشياء اللي ميب زينه وانه خاطف بنت مسؤول عندهم وكذا

اللي خلا امير قطر يزعل الظاهر انه لوحه السياره الظاهره وارقامها وانها قطريه ...

اول ماقريت الخبر تنهدت بصراحه قلت اشوى انه موب عن السعوديه بعد صح انه قطر والسعوديه والكل اخوان واللي يمسهم يمسنا بس جانا مايهد جبال ..

فكره الفلم مو بس عن قطر ولا السعوديه ولاغيره في كل مكان الشين والزين الصالح والطالح .... هي فكره فلم وانطرحت فيه اللي راح يتقبلها وفيه لا

انا يوم شفت المطع وشفت السياره كذا لاشعوري قلت " امر الله وجعه هههههه " غصب استغربت

بقدر ماقلت انه اشوى موب عن السعوديه بقدر مازعلت لتصوير قطر ورجال اعمالها كذا

في الاخير نقول وجهه نظرهم لا تغير شي ولا تقدم صورو الروس والامريكان والكل الكل باشياء اشد وافنع ومانقول الا انه مجرد فلم لا

يقدم ولا ياخر بيمر مرور الكرام وانتهينا ...

http://www.youtube.com/watch?v=p3c1dnwomHc

هذا مقطع من الفلم ...

وقطر والسعوديه والخليج اخوان : )

رمضان

2008-09-15T03:57:00.000+03:00

قمر الدين اللي ذكرني فيه عضو معنا بالاقلاع ... لاننا من مناصرين قمر الدين لازم على الفطور يصير على السفره ...

يذكرني طعمه بمنوّل رمضان زماان .. ويازينه احس هه هو اللي حافظنا عليه من زمان قبل ... ماغيرناهالى هالحين هو والشوربه هههه

وعلى طاري زمان ورمضان فيني طبع مدري هو في غيري او لا اني اتذكر المواقف ... من الوقت والطعم وحتى الريحه اتذكرها مثلاً .. لا شربت قمر الدين كني شريط فيديو ترجع الذكريات لورا اتذكر تفاصيل ووقت واحداث رمضان قبل من عشر سنين وكذا مدري عاد احد مثلي والا <<< العقل زينه وفاقدته حزينه :D

وعسى ربي يكتبنا من المقبولين يارب ويكتب نا نشهد ليله القدر يارحمن يارحيم ..

وعلى طاري ليله القدر تذكرت عادتنا اننا ليله 27 وهي ماهي اكيد بس انها يتحرونها لازم ندخن البيت مع انه كل يوم بس ليله 27 غير كان عندنا عزيمه ريحه البيت دخون ... وش زينها ومرتب ... يا اني احب رمضان ليت السنه كلها رمضان ..

يازمن

2008-08-21T02:30:00.000+03:00

يازمن البراءه .. وزمن من جد القلوب الصافيه

لا شفت مثل هالمسلاسلات الحين ... افتح ياسمسم .. وغيرها اللي كانت قبل تجي مرتين باليوم الصبح والعصر .. وربييضيق صدري .. اتحسف على ذاك الوقت ... على ناسه ... على زمانه على كل شي فيه ...

صدق انه هذي هي الحياه وهي ماشيه ماشيه .... بس لمل نقارن بين الحين ... وقبل ... ياااه يالمفارقات اللي حاصله وترجح كفه الزمن الماضي على زمنا الحين ...

لكل زمان ولكل مكان سلبيات وايجابيات ولا اقول انه زمان كان مثالي ولا فيه اخطاء ولا فيه سلبيات لكن الحين غير غير باشياء كثير ...

صح انه لازم نتطور ... لازم نتقدم بس ساعات لما اجلس مع روحي ... اقول وش جابت لنا التقنيه .. ووش جاب لنا التطور غير الهم ووجع الراس ... واشياء ماكنا نحس لها الف حساب ...

صح انه غلط نحصر انفسنا في زمان ومكان ووقت محدد بس النفس لما تشوف انه الخير ... صار اقل .. كل شي صار اقل ..غصب تحن للماضي .. ولاهو اي ماضي لا ماضي محدد ماضي بسيط ... ماضي فيه شوي نقاء ... فيه لمه ... فيه على الاقل محبه ... ولاحسد ولا شي ..

ويازمن ليتك ترجع ..

نفكر بإيجابيه

2008-08-12T02:17:00.000+03:00

http://www.youtube.com/watch?v=9SwbHl3L3Q4

كعادتي اليومية لما اكون على قولة امي اكل ومرعى قله صنعه مافيه الا هالنت نجلس عليه احوس هنا وهناك .. فلقيت هالمقطع من جد يخلينا نتأمل شوي نجلس على قولتهم صافنين مع هه طرف ابتسامه انه وشلون طفله صغيره تبيع مناديل أثرت في كم شخص ... براءة طفولة مع انها كانت محتاجه هالقرشين اللي يمدونها لها بس بدافع طفولي مدتها وراحت .. اللي صدق مؤثر ويخلينا من جد نفكر ونجلس مع انفسنا انه حلو الشخص يقدم شيء اي شيء .. يفكر انه مابي مقابل لاي احسان , مساعده اقدمها انه لي انا مو لاي شخص ... كيف انها قدمت هالمنديل رجع عليها بانها رجعت البيت لقت امها والخير اللي قدمته ... رجع عليها ...معليش صايرة قشامه ذات لا فهم بس عاد الفكره وصلت هههه

صندوق الأسـرار

2008-08-12T01:11:00.000+03:00

هو عنوان لحمله منتدى الاسره في الاقلاع بعنوان صندوق الاسرار

كفكره هو جداً ممتازه .. او خلينا نقول جريئه نوعاً ما .. مو الكل يتقبلها .. لاننا كمجتمع .. ونكون واضحين لا يمكن نبوح باسرارنا الا لاقرب قريب ولاهو اي قريب الا لا لمسنا منه انه كفوء اني اقوله ..هالاسرار .

اللي خلا الكثير يتحمس للحمله انه ما احد عارفهم .. وفي حاجز بحيث انه يكون فيه اريحيه في طرح هالسر ..

بالنسبه لي بالبدايه من الردود ... الطابع اللي اخذته تفاعل الاعضاء انه بيكون على مزح وهذا طابع الاقلاع يعني ابداً ما جا ببالي اللي صار عليه الموضوع

الموضوع قوي وقوي جداً بأسراره كانت قوته ..

لانه ماتوقعنا هالكم من الصدق او الصراحه .. فيه بغض النظر عن الاسرار اللي ماهي اسرار ..

ما انكر انه بالبدايه اكتئبت وكثير بعد قلت ياربي وش هذا بينا هالناس والا .. او اني مني من هالناس وعايشين على ومحنا دارين عن اللي حولنا ...

يمكن اكثر من بيفهم اصحاب الاسرار اللي قد م عليهم هالشي بحكم اختلاطهم .. من دكاتره .. او حتى محللين نفسيين او حتى مرشدين طلابين واللي لهم بهالشي ...

ماقد مرت علينا هالاشياء ... وان شاء الله ما تمر ..

ماهو دفاع عن المستغربين قد ماهو انه ماعندنا وعي والله ماعندنا المام بهالشي وانه نعرف نفسيات اللي حولنا ... المرض النفسي الله يكفينا شره مثل المرض الصامت اللي ماتعرف انه مرض وهو اشد خطورة من العضوي ... خطوه حلوه انهم حكو هالشي ...

الخطوه اللي بعدها اللي مترتبه بعد انهم حكو فضفضوا ...

مشكلتنا اننا نشوف الي حولنا بمنظرونا ... بمجتمعنا بمحيط عيله اصدقاء معارف كلشخص محيط فينا ونقيس عليها وهالشي صح وما ننكره ..

الله يرحمنا برحمته .. يارب ويستر على الجميع ويهون كربه كل مكترب يارب ..

2008-01-19T19:58:00.000+03:00

هاليومين مع هالبرد اللي صار حديث الناس مدري هل هي حاله خمول حاله بيات كلامي مع الكسل المهم انها حاله باده على الخلق كلهم ,,

تصرفاتنا وعاداتنا او خلوني اقول بعض التصرفات وطرق تعاملنا مع الناس هل عرف انفسنا فيها ,, او انه تعرف نقيم

انفسنا وردة فعل الاخرين عليها وانهم ممكن يفهمون عكس

بشكل اوضح بما اني ما اعرف احكي :प

من العادات او طرق تعاملنا مع الاخرين اللي هو المزح ,,

قبل لا احكي عنه المدخل اللي خلاني احكي عن هالشي معاي وحده بالدوام اليوم قالت انه فيه ناس ماتعرف تمزح

ويكون مزحها عن حسن نيه وممكن انه ينوخذ بالخواطر بسبه جهل في هالمزح

هنا انا فكرت هي صادقه فيه ناس كثير وانا منهم يمكن المزح يمين وهم شمال ممكن يكون رزح

ممكن يكون في غير محله , ممكن يكون اشياء كثيره ,

طيب رده الفعل اللي هي يازعل ,, يااخذ بالخواطر مع اننا نعرف انهم مايعرفون يمزحون

فالتقدير واننا نراعي مثل هالحالات وموب بس المزح اشياء كثير اللي هي التفاوت في التعاطي

مع الاخرين ,,

الفكره موب مرتبه كالعاده بس هواجيس رده فعل لبيات سكوتي الفتره الماضيه

2008-01-11T17:57:00.000+03:00

الوطن وثرواته ...

وياكثرها ...

في موضوع قرأته عن طالبه دارسه برا وباحسن جامعات ماتلقى وظيفه طبيبه !!!

للأسف الاجانب عندنا وبكثره ومقدرين احسن تقدير

ما نحسدهم والله كل يرزقه لكن لو قارنا مستوى التعليم الشهادات .... لتفوقنا عليهم ...

كثير ما نقرا عن شهادات مزيفه .... تلاعب فيها يأتون بشهادات وهم مجرد شهادة يا اما مشتراه او غيرها بدون دراسه

قريبه لي متخرجه من قسم علوم التغذيه بوظيفه أخصائيه تغذيه الى اليوم مافيه ولا وظيفه لها ليش ؟

الاجانب عندنا رواتبهم ماشاء الله دبل راتب موظف سعودي وبنفس التخصصات ان ما تفوق عليه بدل السكن لا يقل عن مبلغ وقدره البدلات من بدل الندره الى والى وياكثرها ماشاء الله اللهم لاحسد

لكن مبدأ المساواه , إعطاء ابناء الوطن حقهم معاملتهم على الاقل بالمثل لا نطالب حتى برواتب عاليه فقط اعطاء االفرصه

الله يحفظ لنا بلدنا يارب ونشوفها كل يوم احسن من اللي قبله ।

2008-01-08T20:20:00.001+03:00

بعض الاشياء اللي نسويها بايمنا العاديه او حتى نشوفها ممكن انها تأثر فينا أو حتى تترك لو شي بسيط او ممكن انها تعيشنا بجوها .. لوفتره ... من الاشياء اللي ممكن تترك اثر فينا اننا نشوف مسلسل او فلم او شي يصير علينا .. اليوم شفت فلم Déjà Vu ما تستهويني ابداً افلام طقني واطقك وخرابيطن فاضيه لكن هالفلم شدني من اوله .. لما يكون متخلله طابع انساني .. حياه ناس اللي يضحك واللي لا وهكذا يعني من البدايه يكون فيه دراما .. البطل فيه هو دنزل واشنطن وبصراحه هالممثل احب اشوف اي فلم هو فيه لانه ممتاز تعابير وجهه عيونه كله :p يعني حياه ناس كيف بتتدمر لحظه الحاصل انه عشان يكتشفون الجريمه ومن مسوي كذا استخدمو جهاز اسمه بياض الثلج او سنو وايت او العين الزرقا مدري البيضا في انهم يرجعون كم يوم ورا ويشوفون شو بيصير او وش الاحداث اللي صارت ...لما تشوف حياه ناس قدامك .. نقول فقدناهم .. ونشوف حياتهم وشلون تصير بتأثرهم وحكيهم وحتى تعابير وجهه هنا الشي المؤثر .. لما اشوف نفسي واقول بسرعه ابطلع الحين عشان اقدر انقذ او اسوي شي يغير هالمجرى .. هنا مؤثر ..

غير هذا يوم استخدم قلم الليزر ووجهه للشاشه وحست هي بالقلم حست بالنور اللي دخل شي محير لما يحس بالشي وهو مو حي وتشوف ماضيه ويحس فيه , لما بيدك انقاذ هالناس بس مثل المربط كذا حسيت انه دوغ شعوره
مدري يمكن ماعرفت اوصل اللي ابي بس انه فيه شي غير انه يكشفون عن اللي مسوي الجريمه او غيرها لا عرفت ارتب الحكي يمكن ارجع :p

بس من جد اللي ماشافه يشوفه

2007-12-18T04:30:00.000+03:00

أمس باليل أحتجت الصيدلية وغير هذا اخف زحمه عن بعد العشى

وحنا عند الاشارة تجي سيارة وتنزل لها اربع حريم لابسات عبايات ماطالع منهم شي وواضح انهم صغار في السن موب كبار امهات يعني لا , المهم انهم توزعوا على الاشارات يطلبون الناس وعند كل اشاره وحده يعني الشاره اربع اشارات عن كل وحده وحده تشحذ

طيب محتاجين مايخالف لكن من بعد 12 بالليل من بيطلب الناس حاجة ؟؟

يعني شوي عقل نفكر فيه صرنا ما عاد نفرق بين المحتاج والغير محتاج زي هذولي هل هم في الصدق محتاجين ؟

كم تساؤل ا ببالي بصراحه حزتها

قلتها للي حولي اهلي وكذا قالو مثل ما الكل يقول انهم زي الشبكه يمشون ويتوزعون هل شبكه تتوزع بالليل اول شي لو فكرنا بالليل الحركه تخف الناس ماهي زي في النهار ممكن اذا ماعطاهم واحد عطاهم الثاني لكن بالليل من بيعطيهم ؟

يمكن لو تكاتفنا لو انها شبكه صدق وانها ناس مهيب محتاجة ماعطيناهم شي انها تقل هالظاهره

يعني من جد شي محزن بالليل ويشحذون عند الاشاره وش كميه الاخطار اللي ممكن تجيهم في سبيل ريال والا عشره ممكن تنمد او لا !!

2007-12-18T04:29:00.000+03:00

موقف .. مر علي .. يوم الاربعاء ..خلاني افكر شوي مع حالي ... الموقف هو .. جتني طالبه قالت ابي احكي .. معك يا ابله .. قلت احكي ..قالت ابلى .. هل لازم الناس كلها تحبني .. بصراحه استغربت سؤالها وجلست اطالعها شوي .. قلت ليش تقولين هالكلام ..قالت لانه هل عشان اكون مقبوله .. لازم اعمل .. اللي يحببني من الناس ..يعني بنيه في فتره المراهقه .. يكون اهتمامها محبه اللي حولها وهذا شي .. طبيعي .. لكن انه يتحول لهوس .. ارضاء الناس ... وتهميش .. الذات .. وقناعاتها .. ومبادئها ..أن نستمتع بحب الاخرين واعجابهم بنا ... لمجرد ارضائهم هذا هو الخطأ .. وهنا هذا يكون في شخصيتنا احنا .. وتكوينها .. هذا .. بعد يوصلنا لنقطه .. اللي هي ... عدم .. رؤيه اخطائنا ..هفواتنا .. ولما تجاملنا الناس .. وليس الكل صادق ... نتناسى هالاخطاء .. ونحس بالكمال الكاذب المزيف .. يعني .. ماهو الزام انه ابحث عن محبه الناس .. لما اكون راضيه عن نفسي .. حابتها باخطائها .. هفواتها اتعلم من الخطأ .. نفهم انفسنا .. ساعاتها .. بنحب انفسنا .. وينعكس هالشي على اللي حولنا .. فيحبونا بصدقلشخصنا .. : )

2007-12-18T04:27:00.000+03:00

لما تكون عند حسن ظن اللي حولك ..تكسب ثقتهم .. يحسسونك باهميتك .. بدون كذب .. بدون مجامله ..يقدرونك لشخصك .. بجد شيء مفرح .. مفرح ماهو للـ \" إهتمام \" لا .. مني عارفه .. بس حسيت بفرحته .. من موقفين اثنين .. الموقف الاول .. موقف في مجال عملي ( يهالعمل والطالبات :p )لما أُكلف .. بعمل .. من والى الطالبات .. لما اكون ... اختهم .. قبل اكون .. موجهه لهم .. لما اكون مرشده لهم .. وانا احتاج من يرشدني .. شيء بجد كبير .. الموقف الثاني ..ماله دخل .. بالعمل ولاغيره .. هي ثقه .. تنوجد .. من اشخاص .. لا تتعامل معهم كثيراً ..في لحظه .. تحس باهميتك .. وثقتهم الكبيره فيك .. شيء جميل لما .. الثقه تكون موجوده حتى لو ما نعرفها .. وانما تكون ..ثقه .. بمجرد كلمه .. او حتى امتنان بالشكر .. همسه .. او عتاب .. قد يكون .. ترتيب اوراق بعد بعثرتها .. قد لانعي .. حساسيتنا تجاه شيء .. الا .. من موقف .. او غيره ..قد تكون في محلها .. او في غيره ..فهمنا الخاطيء .. لاشياء .. او لبس قد يحصل .. لا ندعي الذكاء او التذاكي .. ولا ندعي .. المعرفه بكل شيء .. لكن .. لكل مجتهدٍ نصيب .. سواء كان .. مصيب .. أو مُخطيء .. على العموم .. ارضاء الناس .. غايه لن تدرك .. وفي نظري ليست غايه ..انما .. ارضاء انفسنا وتصالحها هو الغايه .. اما الناس .. فهو شيء ثانوي .. يأتي .. هكذا .. بدون سعي وراءه ..حُرر .. في لحظه .. قد تكون ترتيب اوراق ..الاثنين .. 6/4 / 1428 هـ: )

2007-12-18T04:25:00.000+03:00

فتره الصيف .. فتره الركود .. السفر .. والروتين في معظم يومنا .. اغلبنا يظر الصيف على احر من الجمر وانا اولهم .. كفتره راحه جسديه .. من العمل المتواصل طوال السنه .. راحه ذهنيه .. وصفاء .. ومراجعه حسابات .. مع النفس .. سبحان الله ما ان يقرب الصيف .. الا واحس بكره غريب له .. المشكله انه ما ارتبط .. بذكرى مؤلمه .. قد ابرر هذا الكره وسببه .. لكن لا سبب له .. وربما الكثير يشاركني هذا الشعور ..* *الاحظ في الفتره الاخيره .. في الاعلام .. المقروء .. المسموع .. آراء شخصيه من البعض .. كتب .. وروايات ..تصور \" المرأه \" أو حتى \" الرجل \" لكن تاخذ المراه نصيب الاسد .. تصورها سبب الكوارث .. سبب اي حزن .. او غلطه .. او غيرها ..اي نعم لا نغفل انه .. يوجد من هن .. مثال سيء للمرأه .. لكن ما يحزن تصويرها .. بصوره .. شيطان .. متلبس ثوب امرأه .. قد تكون نظرتي .. متفائله .. والبعض ير مبالغ فيها .. تميل للمثاليه .. لكن بصدق .. نرى الجانب المشرق من .. كلا شيء من انفسنا .. نفسها .. قال سقراط يوماً .. \" أعرف نفسك \" ..بصدق .. اي انسان لما يوعى على نفسه .. يعرفها بحق .. ورضى داخلي معها ..سسرى ماحوله بالالوان الحقيقيه .. للحياه نفسها بواقعها .. بدون .. تأثيرات خارجيه ..على افكارانا .. او من تصرفات .. شاذه .. او غيرها .. 24/ 6 / 2007 الاحد .. :)

2007-12-18T04:20:00.000+03:00

أول بلوج اسويه بعد بلوج الاقلاع اللي من زمان ماجيته

كان ودي اضيف فيه بين فتره وفتره بس ماش فت احد هناك متحمس لها واصير المتحمسه الوحيده..

طحت على بلوق لشخص اسمه مبتديء بصراحه قمه في الروعه هالبلوق وهو اللي خلاني اتحمس اني اسوي لي واحد

في البدايه بنسخ اللي كنت كاتبته في بلوق الاقاع بعدها تجي الكتابه تباعاً أن شاء الله

وكل عام وانتم بخير ..